БМТ Аҳоли фонди вакили Ричард Коллож «Турли дунёлардаги ҳаёт» маърузасини тақдим этди, деб ёзади «ТАСС». Унда катта эътибор ижтимоий-иқтисодий тенгсизликка қаратилган.
«Бугунги кунда дунёдаги 2473 миллиардернинг давлати дунё мамлакатларининг бешдан тўрт қисмининг 2015 йилдаги ялпи ички маҳсулоти жамланмасига тенг», — деди Коллож.
Wealth-X таҳлил компанияси маълумотларига кўра, сайёранинг барча миллиардерлари молиявий активлари 7,7 триллион доллардан зиёдга баҳоланади.
«Бу шуни билдирадики, баъзи имтиёзли уй хўжаликлари миллиардлаб доллар бюджетга эгалик қилаётган бир пайтда, кўпгина юз миллионлаб оилалар кунига 1,25 долларга қийинчилик билан кун кечирмоқда. Энг бадавлатлар ва энг қашшоқлар ўртасидаги тубсиз жарлик нафақат адолатсиз ҳисобланади, балки иқтисодиётни, жамиятни ва давлатларни хавф остига қўяди», — дейилади ҳужжатда.
Изоҳ (0)