Toshkent shahridagi 2, 38 va 72-yo‘nalishdagi avtobuslarda Wi-Fi Bus loyihasi doirasida Wi-Fi ishga tushdi. Bu haqda UZINFOCOM markazi “Daryo”ga ma’lum qildi.
“Toshshahartransxizmat” kompaniyasi yil davomida 50 ta avtobusni Wi-Fi uskunalari bilan jihozlashni rejalashtirgan. Loyiha UzMobile kompaniyasi bilan hamkorlikda amalga oshirilmoqda.
Qayd etishlaricha, eshiklarida Wi-Fi Bus belgisi bo‘lgan avtobuslarda yo‘lovchilar “Ziyonet.uz” milliy ta’limiy-ko‘ngilochar portali xizmatlardan foydalanishi mumkin.
Toshkent avtobuslarida ZiyoNET tarmog‘iga ulanish quyidagicha amalga oshiriladi:
- Abonent 9432 qisqa raqamiga (UZMOBILE abonentlari uchun) yoki (+998-95) 146-94-34 (boshqa operatorlarning abonentlari uchun) raqamiga SMS-xabar yuborishi kerak;
- “UZMOBILE — Wi-Fi Bus” nomli tarmoq qidirib topiladi;
- Paydo bo‘lgan yangi oynaning tegishli maydonlariga telefon raqami (kirish) va SMS orqali olingan parol kiritiladi.
Izoh (0)