Muhammad ismi 2016-yilda eng ommabop britaniya ismlari o‘ntaligiga kirdi va hatto mamlakatdagi ikkita shaharda birinchilikni qo‘lga kiritdi. Bu haqda The Daily Telegraph gazetasiga tayanib, “TASS” xabar bermoqda.
Gazetaning ma’lumotlariga ko‘ra, yangi tug‘ilgan Muhammadlarning ismi Angliya va Uelsdagi eng keng tarqalgan ismlardan biri Uilyamni o‘ntalikdan chiqarib yuborgan. London va aholisining soni bo‘yicha mamlakatda ikkinchi o‘rinda turuvchi Birmingemda Muhammad ismi o‘tgan yilda ommaboplik bo‘yicha birinchi o‘rinni egallagan.
2011-yil ma’lumotlariga ko‘ra, London aholisining 12 foizini, Birmingem aholisining esa 22 foizini musulmonlar tashkil qiladi.
Angliya va Uelsdagi eng keng tarqalgan ismlar esa Oliver va Oliviya bo‘ldi.
Izoh (0)