Malayziya Myanma rasmiylaridan mamlakat g‘arbida jangovar harakatlarni zudlik bilan to‘xtatish va musulmon-roxinja qochoqlari gumanitar yordam yetkazilishi uchun imkoniyat yaratishni talab qiladi. Malayziya tashqi ishlar vaziri Anifa Omon BMT Bosh assambleyasi doirasida o‘tkazilgan Islom hamkorligi tashkilotiga a’zo davlatlar guruhi uchrashuvida shunday bayonot berdi, deya xabar qiladi “TASS”.
“Biz roxinjalarga nisbatan davom etayotgan zo‘ravonlikdan o‘ta tashvishdamiz. Bu harakatlar qo‘shni davlatlarga ko‘plab qochoqlar o‘tishiga olib keldi. Shu munosabat bilan Myanma hukumatidan jangovar harakatlarni zudlik bilan to‘xtatish va gumanitar yuklar to‘siqsiz yetkazilishi uchun imkoniyat yaratishni talab qilamiz. Ko‘p gapirishni to‘xtatib, shoshilinch harakat qilishimiz va odamlar hayotini saqlab qolishimiz zarur”, — dedi vazir.
Malayziya TIV rahbari Rakxayn shtatidagi beqaror vaziyat yangi ekstremistlarni yollash uchun qulay muhit tug‘dirishi, IShID Janubi-Sharqiy Osiyoda o‘z bazasini yaratishga urinayotgani eslatib o‘tdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)