Passport Index dunyoning eng mehmondo‘st bo‘lmagan mamlakatlari reytingini tuzdi, unda Afg‘oniston, KXDR, Somali, Suriya va Turkmaniston yetakchilik qildi. Ma’lum qilinishicha, ushbu mamlakatlarga borish uchun hech qanday istisnosiz barcha davlatlar fuqarolariga viza yoki boshqa ruxsat beruvchi hujjatlar zarur bo‘ladi.
Ikkinchi o‘rinni Angola egalladi. Mamlakatga faqat namibiyalik sayohatchilar vizasiz kira oladi.
Uchinchi pog‘onani Butan, Ekvatorial Gvineya, Eritreya, Iroq va Liviya bo‘lishib oldi. Bu mamlakatlarning har biri uchta davlatdan kelgan sayyohlarni vizasiz kiritadi.
O‘zbekiston 54 ta mamlakat fuqarolarini vizasiz qabul qilishi nazarda tutilib, ro‘yxatda 68-o‘rinda joylashdi. Reytingda jami 198 ta mamlakat va hududlar haqidagi ma’lumotlar hisobga olindi.
Izoh (0)