2017-yilning avgustida Braziliya g‘arbidagi Vali-du-Javari rezervatsiyasida hindular ommaviy qirg‘in qilingan. Bu haqda The New York Times gazetasiga tayanib, Meduza ma’lum qilmoqda.
Tashqi dunyo bilan aloqasi bo‘lmagan Amazoniya qabilasi hindulari (qabila va uning nomi haqida hech narsa ma’lum emas) Amazoniyaning olis qismida daryo bo‘yida oziq-ovqat yig‘ish bilan mashg‘ul bo‘lgan vaqtda noqonuniy oltin qidiruvchilarga to‘qnash kelgan.
Oltin qidiruvchilar Braziliya va Kolumbiya chegarasidagi kichik shaharga kelib, u yerdagi mahalliy barda hindularni o‘ldirganini aytib maqtangan va qotilliklarini o‘zlarini hindulardan himoya qilgani bilan oqlagan. Shahar fuqarolari bu haqda politsiyaga ma’lum qilgach, oltin qidiruvchilarning ikki nafari qo‘lga olindi, ayni paytda ular gumonlanuvchilar sifatida tutib turilibdi.
Ular o‘ndan ortiq hindularni, shu jumladan, ayollar va bolalarni ham o‘ldirgan. Huquq muhofazachilari qotillikni genotsid deb atamoqda, chunki hech qachon tashqi dunyo bilan aloqada bo‘lmagan qabila atigi bir necha kishidan iborat bo‘lgan.
Izoh (0)