Myanma davlat maslahatchisi va tashqi ishlar vaziri, amalda mamlakat siyosiy yetakchisi hisoblanuvchi Aun San Su Chji BMT Bosh Assambleyasi 72-sessiyasida qatnashishdan bosh tortdi, deb yozadi “TASS”.
“Sinxua” agentligi ma’lumotlariga ko‘ra, Aun San Su Chji o‘rniga, 20-sentabr kuni Nyu-Yorkda Myanma nomidan respublika vitse-prezidenti Genri Van Txi nutq so‘zlaydi. Avvaldan rejalashtirilgan safar nima sababdan bekor qilingani aytilmayapti.
Tinchlik bo‘yicha Nobel mukofoti sovrindori Aun San Su Chji Myanmaning Rakxayn shtatida vaziyat keskinlashib ketganidan keyin dunyo hamjamiyati tomonidan tanqidga uchradi. U yerda zo‘ravonlik avj olgani tufayli avgust oxirida 400 dan ortiq odam halok bo‘ldi. Rakxaynda yashaydigan rohinja xalqining 300 mingga yaqin vakili Bangladeshga qochishga majbur bo‘ldi.
Izoh (0)