Passport Index дунёнинг энг меҳмондўст бўлмаган мамлакатлари рейтингини тузди, унда Афғонистон, КХДР, Сомали, Сурия ва Туркманистон етакчилик қилди. Маълум қилинишича, ушбу мамлакатларга бориш учун ҳеч қандай истисносиз барча давлатлар фуқароларига виза ёки бошқа рухсат берувчи ҳужжатлар зарур бўлади.
Иккинчи ўринни Ангола эгаллади. Мамлакатга фақат намибиялик саёҳатчилар визасиз кира олади.
Учинчи поғонани Бутан, Экваториал Гвинея, Эритрея, Ироқ ва Ливия бўлишиб олди. Бу мамлакатларнинг ҳар бири учта давлатдан келган сайёҳларни визасиз киритади.
Ўзбекистон 54 та мамлакат фуқароларини визасиз қабул қилиши назарда тутилиб, рўйхатда 68-ўринда жойлашди. Рейтингда жами 198 та мамлакат ва ҳудудлар ҳақидаги маълумотлар ҳисобга олинди.
Изоҳ (0)