Qozog‘istondagi Nazarboyev universitetining National Laboratory Astana laboratoriyasi olimlari ko‘p millionlik qimmat biologik faol qo‘shimchalar industriyasini “oyoqqa turg‘azuvchi” sinbiotikni ishlab chiqarish ustida ishlamoqda. Ushbu sinbiotikni muntazam iste’mol qilish yoshi katta odamlarda uchraydigan ichak kasalliklaridan xalos bo‘lishda yordam beradi. Eng muhimi uning narxi arzon bo‘ladi hamda ushbu mahsulot mutlaqo mahalliy sharoitda ishlab chiqariladi, deb xabar berdi “Kazinform”.
“НӘР” sinbiotigi milliy ichimliklar, masalan, qimiz, ayron va sharbatlar tarkibidagi foydali mikroorganizmlardan ishlab chiqarilgan. U inulin, pektin va baliq kollageni kabi foydali organik moddalar qatorida turadi va tez hazm bo‘ladi. Hatto ovqat hazm qilish funksiyasi past bo‘lgan yoshi katta odamlarda ham sinbiotik tarkibidagi mikroelementlar, vitaminlar juda tez parchalanib, organizmga singib ketadi.
Avvaliga mahsulot metabolik muammolari mavjud yoshi 50 va undan katta bo‘lgan odamlar uchun mo‘ljallangan edi. Bu nafaqat ovqat hazm qilish tizimining buzilishi, balki organizmda qandaydir vitaminlar va fermentlarning ishlab chiqarilishiga ham bog‘liq. Bu albatta, motor funksiyasining pasayishi, qandli diabetdir. Mahsulot nafaqat glyukoza darajasining pasayishiga, balki xolesterin uchun ham mo‘ljallangan.
Mahsulotimizning asosiy pektini — bu ichaklarning motor funksiyasini yaxshilovchi o‘simlik tolasi. Mahsulotimizda foydalaniladigan, xorijdan olib kelinadigan yagona element — bu yaponlarning baliq kollageni, chunki u yuqori samarador.
Ushbu mahsulot foydali xususiyatlarga ega bo‘lgan oddiy yogurt ko‘rinishida bo‘ladi. Birinchi mahsulotimizni joriy yilning oxiriga qadar savdoga chiqarishni rejalashtirmoqdamiz”, — deydi National Laboratory Astana rahbari Almagul Kushugulova.
Izoh (0)