Gavayi orollari akvatoriyasida olimlar nahang (akula)ning yangi turini aniqladi: uzunligi taxminan 30 sm, og‘irligi bir kilogrammga yaqin bo‘lgan baliq qorong‘ilikda nur tarata oladi, deb yozadi National Geographic.
Tinch okeanida, Gavayi arxipelagining shimoli-g‘arbiy sohilida tutib olingan akula Etmopterus yoxud tikanli qora akulalar yoki nur sochuvchi qora akulalar oilasiga tegishli. 30 dan 90 santimetrgacha kattalikdagi ushbu baliqlar Shimoliy Muz okeanidan boshqa barcha okeanlarda yashaydi. Ularning tanasi nur sochuvchi fotoforlar bilan qoplangan. Ular katta chuqurliklarda yashagani sababli olimlar e’tiboriga kamdan-kam hollarda tushadi. Va aynan qorong‘ilikda yashash ulardan nur sochish qobiliyatini talab qilgan.
Yangi tur vakili Etmopterus Lailae deb nom oldi.
Izoh (0)