Қозоғистондаги Назарбоев университетининг Nationаl Laboratory Аstana лабораторияси олимлари кўп миллионлик қиммат биологик фаол қўшимчалар индустриясини «оёққа турғазувчи» синбиотикни ишлаб чиқариш устида ишламоқда. Ушбу синбиотикни мунтазам истеъмол қилиш ёши катта одамларда учрайдиган ичак касалликларидан халос бўлишда ёрдам беради. Энг муҳими унинг нархи арзон бўлади ҳамда ушбу маҳсулот мутлақо маҳаллий шароитда ишлаб чиқарилади, деб хабар берди «Казинформ».
«НӘР» синбиотиги миллий ичимликлар, масалан, қимиз, айрон ва шарбатлар таркибидаги фойдали микроорганизмлардан ишлаб чиқарилган. У инулин, пектин ва балиқ коллагени каби фойдали органик моддалар қаторида туради ва тез ҳазм бўлади. Ҳатто овқат ҳазм қилиш функцияси паст бўлган ёши катта одамларда ҳам синбиотик таркибидаги микроэлементлар, витаминлар жуда тез парчаланиб, организмга сингиб кетади.
Аввалига маҳсулот метаболик муаммолари мавжуд ёши 50 ва ундан катта бўлган одамлар учун мўлжалланган эди. Бу нафақат овқат ҳазм қилиш тизимининг бузилиши, балки организмда қандайдир витаминлар ва ферментларнинг ишлаб чиқарилишига ҳам боғлиқ. Бу албатта, мотор функциясининг пасайиши, қандли диабетдир. Маҳсулот нафақат глюкоза даражасининг пасайишига, балки холестерин учун ҳам мўлжалланган.
Маҳсулотимизнинг асосий пектини — бу ичакларнинг мотор функциясини яхшиловчи ўсимлик толаси. Маҳсулотимизда фойдаланиладиган, хориждан олиб келинадиган ягона элемент — бу японларнинг балиқ коллагени, чунки у юқори самарадор.
Ушбу маҳсулот фойдали хусусиятларга эга бўлган оддий ёгурт кўринишида бўлади. Биринчи маҳсулотимизни жорий йилнинг охирига қадар савдога чиқаришни режалаштирмоқдамиз», — дейди Nationаl Laboratory Аstana раҳбари Алмагул Кушугулова.
Изоҳ (0)