Suvni og‘ir metallardan tozalash uchun yangi filtr yaratildi

Elektron qurilmalar (telefonlar va kompyuterlar) kabi chiqindilar yer osti suvlariga katta zarar yetkazib, ularni qo‘rg‘oshin va simob kabi zaharli og‘ir metallar bilan ifloslantiradi. Rays universiteti olimlari uglerodli nanoquvurlar va kvars tolalardan iborat yangi turdagi filtrni o‘ylab topdi, ular filtr suvni 99 foiz darajada og‘ir metallardan tozalashga qodirligini ta’kidlamoqda, deb yozadi “Naukatv.ru”. Bundan tashqari, bu filtrlar ko‘p martalik bo‘lib, ularni tozalash va yana ishlatish mumkin.

Yangi filtrlar, shuningdek, maxsus oksidlovchi moddadan iborat qobiqqa ega, u metallarni singdirib olishga yordam beradi.

Bir daqiqa ichida filtr 5 litrdan ortiq suvni tozalashga qodir. Filtrning o‘zi 90 soniyada sirka yordamida tozalanadi.

Filtr uchun zarur bo‘lgan xomashyo qimmatbaho emasligi, uni tozalashda ishlatiladigan sirka esa butun dunyoda ommabopligi tufayli, ishlab chiquvchilar undan har qanday joyda, hatto Yerning eng olis burchaklarida ham foydalanish mumkinligini ta’kidlamoqda.