Hindistonning “kelajak shaharlari” atrof-muhit uchun xavf tug‘dirishi mumkin. Bu haqda Linkoln universiteti (Buyuk Britaniya) professori Xyu Byord ma’lum qildi, deya xabar beradi “TASS”.
Olim Hindistondagi “aqlli shaharlar” loyihasini batafsil tahsil qildi. Mamlakat hukumati tomonidan qabul qilingan rejaga ko‘ra, 3-5 qavatli binolardan iborat eski dahalar o‘rnida 40-60 qavatli osmono‘parlar quriladi.
Yangi tumanlar hozirgi xarobalarga nisbatan ekologik jihatdan yaxshiroq bo‘lishi taxmin qilinadi, biroq Byordning izlanishlari aholi zichligi o‘sishi atrof-muhitga bosimni kuchaytirishini ko‘rsatdi: osmono‘parlar ko‘proq resurslar iste’mol qiladi va ko‘proq chiqindilar chiqaradi.
Bunday prognoz Mumbayda qurilgan shunday turdagi birinchi hudud — Bxendi Bozorni (Bhendi Bazaar) o‘rganish asosida qilindi. Ma’lum bo‘lishicha, elektr muntazam ravishda o‘chiriladigan, suv soatlarga taqsimlangan holda beriladigan, chiqindilar chiqarilishi va kanalizatsiya tarmog‘i faoliyati talab etilgan darajada bo‘lmagan hududda aholi zichligi oshishi faqat ekologik vaziyatni chuqurlashtiradi.
Ma’lumot uchun, “100 aqlli shahar” rejasi Hindiston bosh vaziri Narendra Modi tomonidan 2015-yilda qabul qilingan bo‘lib, mamlakatdagi 100 shaharni rivojlantirish va 500 shaharni yangilashni nazarda tutadi.
Izoh (0)