Электрон қурилмалар (телефонлар ва компьютерлар) каби чиқиндилар ер ости сувларига катта зарар етказиб, уларни қўрғошин ва симоб каби заҳарли оғир металлар билан ифлослантиради. Райс университети олимлари углеродли наноқувурлар ва кварс толалардан иборат янги турдаги фильтрни ўйлаб топди, улар фильтр сувни 99 фоиз даражада оғир металлардан тозалашга қодирлигини таъкидламоқда, деб ёзади «Naukatv.ru». Бундан ташқари, бу фильтрлар кўп марталик бўлиб, уларни тозалаш ва яна ишлатиш мумкин.
Янги фильтрлар, шунингдек, махсус оксидловчи моддадан иборат қобиққа эга, у металларни сингдириб олишга ёрдам беради.
Бир дақиқа ичида фильтр 5 литрдан ортиқ сувни тозалашга қодир. Фильтрнинг ўзи 90 сонияда сирка ёрдамида тозаланади.
Фильтр учун зарур бўлган хом ашё қимматбаҳо эмаслиги, уни тозалашда ишлатиладиган сирка эса бутун дунёда оммабоплиги туфайли, ишлаб чиқувчилар ундан ҳар қандай жойда, ҳатто Ернинг энг олис бурчакларида ҳам фойдаланиш мумкинлигини таъкидламоқда.
Изоҳ (0)