Ballistik raketalarning yangi sinovi KXDRda AQShning materik qismiga zarba berish imkoniyati borligini ko‘rsatdi. Bu haqda Shimoliy Koreya yetakchisi Kim Chen In ma’lum qildi, deb xabar beradi “Interfaks”.
Shimoliy Koreyadagi rasmiy OAVning ma’lumotiga ko‘ra, mamlakat rahbari raketalarning uchirilishi muvaffaqiyatli o‘tganidan juda ham xursand bo‘lgan.
“Yetakchimizning ta’kidlashicha, AQShning materik qismi endilikda imkoniyatlarimiz doirasida”, — xabar berdi Koreya markaziy telegraf agentligi.
Ma’lumotlarga ko‘ra, KXDR ikkinchi “Xvanson-14” raketasini ham uchirgan.
“Tahlilchilarning fikricha, endilikda Pxenyan AQShning katta qismiga, jumladan Los-Anjeles hamda Chikagoga xavf tug‘dira oladi”, — xabar berdi AP agentligi.
Izoh (0)