Boris Yelsinning rafiqasi: “U kimni o‘z o‘rniga qoldirishi haqida oilasiga aytmagan”

Rossiya birinchi prezidentining rafiqasi Naina Yelsina Sankt-Peterburgdagi “Dialoglar” tadbirida Boris Yelsinni birovlarning erkinligini hurmat qilgan, shuhratparast bo‘lmagan odam sifatida tavsifladi, deb yozadi “Mk.ru”.

“U lavozim uchun ishlamagan. U hokimiyat uchun kurashmagan. U ish uchun ishlagan. Barchasi orqaga qaytib kelmasligi uchungina u ikkinchi muddat uchun saylovda qatnashishga rozi bo‘ldi”, — dedi Naina Yelsina.

Ammo, ikkinchi muddatga kelib, Yelsinaning so‘zlariga ko‘ra, prezident quvvatdan qoldi — bunga yurak bilan bog‘liq muammolar o‘z ta’sirini ko‘rsatdi. U, shuningdek, prezident oilasi bilan qabul qilingan qarorlar haqida, shu jumladan, Vladimir Putinni o‘z o‘rniga qoldirishi to‘g‘risida maslahatlashmaganini aytdi: “Bizning oilamizda hech qachon muhokama qilinmagan. Hokimiyat jilovini u kimga berishi haqida men ham xuddi siz kabi xabar topganman. Oila masalalarni hal qiladi, deb aytishardi, xolos. Biz qabul qilingan qarorlar haqida gazetalar yoki televizor orqali bilib olardik”.