Qirg‘isizton Markaziy saylov komissiyasiga prezidentlikka o‘z nomzodini ilgari surgan yana to‘rt kishidan ariza kelib tushdi. Bu haqda idoraning matbuot xizmatiga tayanib, KNews xabar berdi.
Markaziy saylov komissiyasining ma’lumotlariga ko‘ra, 28-iyul kuni “Chon kazat” hamda “Qirg‘iziston” siyosiy partiyalari tomonidan Qirg‘iziston Respublikasi prezidentligiga Kanat Isayev va Turat Akimovning nomzodlari ilgari surilgan.
Shuningdek, yana ikki nafar shaxs o‘zining nomzodini ilgari surgan. Bular 2011-yilda ham prezidentlik lavozimini qo‘lga kiritishga harakat qilgan, ishsiz Mukanbay Aymanbayev hamda Bishkek merining birinchi o‘rinbosari Ernis Zarlikov.
Hozirga qadar Qirg‘iziston Markaziy saylov komissiyasiga 46 nomzoddan prezidentlik o‘rni uchun ariza kelib tushgan. Ularning 35 nafari Qirg‘iziston Respublikasi fuqarolaridan, 11 nafari esa siyosiy partiyalar tomonidan kelib tushdi.
Izoh (0)