Tramp AQSh ichki xavfsizlik vazirini Oq uy apparatiga rahbar etib tayinladi

AQSh prezidenti Donald Tramp Jon Kellini Oq uy apparati rahbari etib tayinladi, deb xabar berdi “Interfaks”.

“Hozirgina Jon Kellini Oq uy apparatining rahbari etib tayinlaganim borasida sizlarni xabardor qilishdan mamnunman”, — deya Tramp Twitter’dagi sahifasiga yozib qoldirdi.

Shunday qilib, bunga qadar AQSh ichki xavfsizlik vazirligiga rahbarlik qilgan Kelli, Tramp prezident etib saylanganuniga qadar Oq uy apparatini boshqargan Rayns Pribasning o‘rnini egalladi.

Trampning Twitter’da ta’kidlashicha, Kelli — “bu ajoyib amerikalik va kuchli yetakchi. U ichki xavfsizlik vazirligida hayratlanarli ishlarni amalga oshirdi. U mening ma’muriyatimdagi haqiqiy “yulduz”.

Shu bilan birga Tramp Oq uy apparatinining sobiq rahbari Pribasga “xizmati va mamlakatiga sodiqligi” uchun minnatdorchilik bildirdi.

AQSh prezidentiga yaqin odamga asoslanib Fox News’ning xabar berishicha, Tramp Pribasga nisbatan ishonchini yo‘qotgan va asosiy qonunchilik hujjatlari Kongressda o‘tmagani uchun u o‘z vakolatini shubha ostida qoldirgan.

Telekanal ma’lumotiga ko‘ra, ichki xavfsizlik vaziri vazifasini bajaruvchi etib Kellining o‘rinbosari Eleyn Dyuk tayinlangan.