Isroil umumiy xavfsizlik xizmati 23-iyul, yakshanbaga o‘tar kechasi Iordan daryosining G‘arbiy qirg‘og‘ida armiya bilan hamkorlikda maxsus operatsiya o‘tkazdi. Bu haqda “TASS” xabar bermoqda.
Reyd davomida “XAMAS”ning 25 nafar a’zosi, jumladan, harakatning yuqori martabali rahbarlari hibsga olindi.
The Jerusalem Post manbalariga ko‘ra, hibsga olishlar politsiya va namoyishchilar o‘rtasida to‘qnashuvlar tinmayotgan Quddusning Ibodatxona tog‘i atrofidagi voqealar bilan bog‘liq.
Ilgari xabar qilinganidek, o‘tgan hafta uch jangari Ibodatxona tog‘ida ikki politsiyachini o‘ldirib ketgani bu hududda xavfsizlik choralarining kuchaytirilishiga sabab bo‘ldi. Jumladan, Ibodatxona tog‘iga chiqish uchun metall aniqlovchi romlardan o‘tish talab etiladi. Bundan tashqari, elikka to‘lmagan musulmonlarga al-Aqsoda namoz o‘qish taqiqlandi.
Bu choralar mahalliy musulmonlar orasida keskin noroziliklarga sabab bo‘ldi. Ular namoyishlar uyushtirmoqda, shuningdek, politsiya bilan to‘qnashuvlarga kirishmoqda.
Izoh (0)