AQSh Shimoliy Koreya bilan qurolli mojaroga tayyor turishi kerak. Bu haqda AQSh qurolli kuchlar shtablari boshliqlari birlashgan qo‘mitasi rahbari Jozef Danford ma’lum qildi, deb xabar beradi “RBK”.
“Ko‘pchilik harbiy choralar haqida ‘aql bovar qilmas’ degan iborani qo‘llab gapiradi. Men buni ‘dahshatli’ deb atagan bo‘lardim, chunki qurbonlar ko‘p bo‘ladi. Shu darajadaki, Ikkinchi jahon urushida omon qolganlar Koreya yarim orolida qurolli mojaro ro‘y bergan taqdirda bo‘lgani kabi qurbonlarni ko‘rmagan bo‘lib chiqadi”, — ta’kidladi general.
Danfordga ko‘ra, uning uchun KXDRga qarshi harbiy kuch ishlatish “tasavvurga sig‘maydigan” chora emas.
“Men uchun, masalan, Denverga, Koloradoga yadro quroli kelib tushishiga yo‘l qo‘yish tasavvur etib bo‘lmaydigan holat. Bunday bo‘lmasligi uchun harbiy operatsiyalar ishlab chiqish esa burchim hisoblanadi”, — dedi yuqori martabali mansabdor.
Izoh (0)