Исроил умумий хавфсизлик хизмати 23 июль, якшанбага ўтар кечаси Иордан дарёсининг Ғарбий қирғоғида армия билан ҳамкорликда махсус операция ўтказди. Бу ҳақда «ТАСС» хабар бермоқда.
Рейд давомида «ХАМАС»нинг 25 нафар аъзоси, жумладан, ҳаракатнинг юқори мартабали раҳбарлари ҳибсга олинди.
The Jerusalem Post манбаларига кўра, ҳибсга олишлар полиция ва намойишчилар ўртасида тўқнашувлар тинмаётган Қуддуснинг Ибодатхона тоғи атрофидаги воқеалар билан боғлиқ.
Илгари хабар қилинганидек, ўтган ҳафта уч жангари Ибодатхона тоғида икки полициячини ўлдириб кетгани бу ҳудудда хавфсизлик чораларининг кучайтирилишига сабаб бўлди. Жумладан, Ибодатхона тоғига чиқиш учун металл аниқловчи ромлардан ўтиш талаб этилади. Бундан ташқари, эликка тўлмаган мусулмонларга ал-Ақсода намоз ўқиш тақиқланди.
Бу чоралар маҳаллий мусулмонлар орасида кескин норозиликларга сабаб бўлди. Улар намойишлар уюштирмоқда, шунингдек, полиция билан тўқнашувларга киришмоқда.
Изоҳ (0)