AQSh prezidenti Donald Tramp o‘z prezidentligining yarim yili ichida 800 dan ortiq tushunarsiz bayonot va xulosalar qildi. Bu haqda The Washington Post gazetasi yozmoqda, deb xabar berdi “Gazeta.ru”.
Fact Checker loyihasi doirasida gazeta xodimlari Tramp prezidentligining birinchi yuz kunidagi tushunarsiz bayonotlarini hisoblab chiqdi. Ma’lumotlarga ko‘ra, AQSh prezidenti bir kunda 4,9 ta bayonot qilgan. Yarim yillik hisob-kitoblar esa Tramp 836 ta yolg‘on va tushunarsiz bayonot qilganini ko‘rsatmoqda, bunda bir kunda o‘rtacha 4,6 ta bayonot qilingan.
Shuningdek, izlanuvchilar Trampning eng ko‘p takrorlangan bayonotini ham hisoblab chiqdi. Unga ko‘ra, “Obamacare qonun loyihasining o‘limi” so‘zlari 44 marta takrorlangan.
Nashrning yozishicha, Tramp 30 marta “biznesga investitsiya oqimini ta’minlangani va F-35 bombardimonchisining narxini tushirgani” bilan maqtangan. Narxning tushirilishi esa Trampning o‘z lavozimiga kirishishidan oldin rejalashtirilgan edi.
Tramp 17 marta “a’zo davlatlarning NATOni moliyalashtirishda adolatli ishtiroki” haqida yozgan. Shuningdek, sakkiz marta armiyada “rekord investitsiyalar”ga erishgani haqida bayonot qilgan.
Nashrning qayd etishicha, Tramp bunday bayonotlar bilan o‘zi uchun Pinokkio obro‘sini qo‘lga kiritdi, agar bundan xalos bo‘lishni istasa, dalillarni hisobga olishi kerak bo‘ladi.
Izoh (0)