Germaniya qurol sohasida rejalashtirilgan va amalga oshirilayotgan german-turk loyihalarini to‘xtatishni ko‘zlamoqda. Bu haqda Bild nashriga tayanib, “TASS” xabar bermoqda.
“Germaniya va Turkiya o‘rtasida qurol-yarog‘ sohasida rejalashtirilgan va amalda mavjud bo‘lgan loyihalarning vaqtincha muzlatilishi yuz berishi kerak”, — deyiladi nashrning xabarida. Ta’kidlanishicha, bu Berlinning Anqara bilan hamkorlikning ba’zi sohalarini qayta ko‘rib chiqish haqidagi qarori bilan bog‘liq.
Germaniya iqtisodiyot vazirligi, o‘z navbatida, bu borada hukumat yakuniy qaror qilmaganini ma’lum qildi.
“Germaniya hukumati qurol-yarog‘ loyihalari bo‘yicha barcha arizalarni qayta ko‘rib chiqadi”, — deb ma’lum qildi idora vakili, deb yozmoqda Reuters agentligi.
Izoh (0)