KXDR iqtisodiyoti 2016-yilda 1999-yildan buyon eng yuqori o‘sish darajasini ko‘rsatdi. Bu haqda Bloomberg agentligiga tayanib “Gazeta.ru xabar berdi.
Ta’kidlanishicha, Shimoliy Koreyaning yalpi ichki mahsuloti 3,9 foizga o‘sgan. Bu o‘sishda qazilma boyliklari va ishlab chiqarish sektori muhim o‘rin tutgan.
Agentlikning qayd etishicha, o‘sish sur’atining tezlashishida mamlakatning 2015-yilgi qurg‘oqchilikdan so‘ng o‘zini tiklab olgani muhim rol o‘ynagan.
Bundan tashqari, harbiy xarajatlarning o‘sishi ham o‘sish dinamikasiga ijobiy ta’sir ko‘rsatgan. Bunda KXDR iqtisodiyoti ballistik raketalar va yadro quroli sinovi sababli qo‘llanilgan sanksiyalarga qaramasdan o‘smoqda.
KXDRda yalpi ichki mahsulot aholi jon boshiga 1,3 ming dollarni tashkil qiladi. Bu Janubiy Koryadagi darajaning atigi 4,5 fozini tashkil qiladi.
Izoh (0)