Германия қурол соҳасида режалаштирилган ва амалга оширилаётган герман-турк лойиҳаларини тўхтатишни кўзламоқда. Бу ҳақда Bild нашрига таяниб, «ТАСС» хабар бермоқда.
«Германия ва Туркия ўртасида қурол-яроғ соҳасида режалаштирилган ва амалда мавжуд бўлган лойиҳаларнинг вақтинча музлатилиши юз бериши керак», — дейилади нашрнинг хабарида. Таъкидланишича, бу Берлиннинг Анқара билан ҳамкорликнинг баъзи соҳаларини қайта кўриб чиқиш ҳақидаги қарори билан боғлиқ.
Германия иқтисодиёт вазирлиги, ўз навбатида, бу борада ҳукумат якуний қарор қилмаганини маълум қилди.
«Германия ҳукумати қурол-яроғ лойиҳалари бўйича барча аризаларни қайта кўриб чиқади», — деб маълум қилди идора вакили, деб ёзмоқда Reuters агентлиги.
Изоҳ (0)