Niderlandiyada qamoqxona nozirlari kiritilishi kutilayotgan yangilikdan xavotirga tushmoqda. Ushbu o‘zgarishlar mahbuslarga ko‘proq erkinlik beradi, deb ta’kidlaydi “TASS”.
Dordrext, Xerxyugovard va Zandam munitsipalitetlaridagi sinovlardan so‘ng butun mamlakatdagi penitensiar muassasalarda joriy etilishi kutilayotgan sxemaga ko‘ra, mahbuslar o‘z kameralarining kalitlariga ega bo‘ladi hamda kechki soat 9:30 ga qadar u yerga erkin kirib-chiqish huquqiga ega bo‘ladi.
Bundan tashqari, har bir mahbusga planshetli kompyuter taqdim etiladi. Uning yordamida mahbuslar qarindoshlari bilan uchrashuv belgilashi yoki xaridlar amalga oshirishi mumkin bo‘ladi.
Mahbuslar ishga va boshqa majburiy tadbirlarga kech qolmasliklari talab etiladi, ammo boshqa masalalarda ularga erkinlik berilishi kutilmoqda.
Izoh (0)