Amerikaning Medford shahrida (Massachusets shtati) mahalliy Kiss 108 radiostansiyasiga bir erkak kelib Insane Clown Posse guruhining “Mening boltam” qo‘shig‘ini qo‘yishni talab qildi, deb xabar berdi TJournal.
Radiostansiya xodimlari amerikalikka bir necha bor rad javobini bergan. Erkak bino yonidagi avtoturargohga pichoq ko‘tarib chiqqan va xodimlardan biridan qo‘shiq qo‘yishni talab qilgan. U rozi bo‘lmagan va politsiyani yordamga chaqirgan.
Avtoturargohga huquq-tartibot xodimlari bilan birga maxsus SWAT bo‘limi ham yetib kelgan. Ular uch soat davomida erkak bilan murosaga kelishga harakat qilgan, biroq u bolta bilan tahdid qilib avtomobilda o‘tirgan.
Shundan so‘ng amerikalik pichoq ko‘tarib avtoturargohga chiqqan va uni qurollagan politsiya xodimlari qurshab olishga muvaffaq bo‘ldi. U ancha vaqtga qadar qarshilik ko‘rsatgan va bir nechta elektroshoker zarbasidan keyin ham taslim bo‘lishni istamagan. “Hatto xodimlardan biri radiostansiyadan erkak tinchlanishi uchun “Mening boltam“ qo‘shig‘ini qo‘yib berishni so‘ragan”, — deydi guvohlardan biri.
Natijada erkak qo‘lga olingan va hech kimga hujum qilmasligi uchun tez yordam mashinasidagi zambilga bog‘lab qo‘yilgan. Uning mast holda ekanligi ma’lum qilindi. Politsiya uning ismini oshkor qilmadi, uni endilikda tibbiyot ekspertizasi kutmoqda.
Izoh (0)