Pasadina politsiyasi (Texas shtati, AQSh) tezlikni oshirgani uchun avtomobilni to‘xtatganida, uni 11 yoshli qizaloq boshqarib ketayotgani ma’lum bo‘ldi, deb xabar berdi “Motor”.
Dallas News nashrning xabar berishicha, qizaloq bilan mashinada uning 10 yoshli ukasi ham bo‘lgan.
Avtomobil ruxsat etilgan tezlik — 56 kilometr/soatni tashkil qiladigan hududda 79 kilometr/soat tezlik bilan harakatlangan. Politsiyachilar mashinani to‘xtatganida qizaloq avtomobilni mustaqil ravishda boshqarishi birinchi marta emasligini aytgan.
Politsiya vakillarining so‘zlariga ko‘ra, bolalar xolasinikida bo‘lgan va u bolalarning 25 yoshli onasi Mariya Lopezga qo‘ng‘iroq qilib, qizcha ukasini mashinada uyga olib bora oladimi deya so‘ragan. Ona esa rozilik bildigan. Politsiya bolalarni uyiga olib borganida, Lopez rostdan ham bunga ruxsat berganini tasdiqlagan.
Lopezga nisbatan ikki holda yosh bolalarini xavf ostida qoldirgani uchun ayblov e’lon qilingan. U uch ming dollar garov evaziga qo‘yib yuborilgan.
Izoh (0)