Bill Geyts Germaniyaning Welt am Sonntag nashriga bergan intervyusida Yevropa davlatlari yetakchilari, jumladan, Germaniya rahbariyatini Afrika mamlakatlaridan kelgan qochoqlarga ortiqcha saxiyligi uchun tanqid qildi. Bu haqda Daily Mail xabar bermoqda.
“Siz qanchalik saxiy bo‘lsangiz, bu haqda shuncha ko‘p gapirishadi. Bu esa o‘z navbatida, yanda ko‘proq kishilarni Afrikani tark etishga undaydi. Yevroittifoq afrikaliklarning mavjud yo‘nalishlar orqali qit’aga borishini qiyinlashtirishi lozim. Germaniya esa Yevropada yashashni istaganlarning barchasini qabul qilolmaydi”, — hisoblamoqda Microsoft asoschisi.
Shu bilan birga, milliarder Germaniya kansleri Angela Merkelni yalpi ichki mahsulotning 0,7 foizini tashqi yordamga sarflashni davom ettirish qarori uchun maqtadi va Yevropaning boshqa yetakchilarini undan o‘rnak olishga chaqirdi.
Izoh (0)