Билл Гейтс Германиянинг Welt am Sonntag нашрига берган интервьюсида Европа давлатлари етакчилари, жумладан, Германия раҳбариятини Африка мамлакатларидан келган қочоқларга ортиқча сахийлиги учун танқид қилди. Бу ҳақда Daily Mail хабар бермоқда.
«Сиз қанчалик сахий бўлсангиз, бу ҳақда шунча кўп гапиришади. Бу эса ўз навбатида, янда кўпроқ кишиларни Африкани тарк этишга ундайди. Евроиттифоқ африкаликларнинг мавжуд йўналишлар орқали қитъага боришини қийинлаштириши лозим. Германия эса Европада яшашни истаганларнинг барчасини қабул қилолмайди», — ҳисобламоқда Microsoft асосчиси.
Шу билан бирга, миллиардер Германия канцлери Ангела Меркелни ялпи ички маҳсулотнинг 0,7 фоизини ташқи ёрдамга сарфлашни давом эттириш қарори учун мақтади ва Европанинг бошқа етакчиларини ундан ўрнак олишга чақирди.
Изоҳ (0)