Navoiy viloyati IIB xodimi “Kamolot” raisini haqorat qilgani uchun ishdan haydaldi

30-iyun kuni “Kamolot” YoIH syezdi bo‘lib o‘tdi. Unda Prezident Shavkat Mirziyoyev ishtirok etdi, deb xabar beradi UzNews.

Syezd davomida Prezidentning shaxsan o‘zi Navoiy viloyati IIB xodimini ishdan bo‘shatdi. U “Kamolot” YOIHning Navoiy viloyati bo‘yicha raisini haqorat qilgani bunga sabab bo‘ldi.

Endi hokimlarning va IIB boshliqlarining o‘rinbosarlari O‘zbekiston yoshlar ittifoqi tavsiyasiga ko‘ra tayinlanadigan bo‘ldi.

Eslatib o‘tamiz, Shavkat Mirziyoyev “Kamolot” YoIH faoliyatini to‘xtatib, uni O‘zbekiston yoshlar ittifoqiga aylantirishga qaror qildi. Yangi tuzilmaning budjeti ikki barobarga kattalashtirildi. Yangi tuzilma raisi etib Qahramon Quronboyev saylandi.

Bundan tashqari, syezd chog‘ida 30-iyun kuni O‘zbekiston yoshlari kuni deb e’lon qilindi.