Chirchiqda istiqomat qiluvchi fuqaro ayolini o‘ldirib, o‘z joniga qasd qilishga urindi. Bu haqda UzNews xabar bermoqda.
Tergov davomida aniqlanishicha, hodisa 25-iyun kuni soat ertalabki 6 da sodir bo‘lgan. Ikkalasining o‘rtasida qattiq janjal bo‘lganligi sababli er ayolini bir necha marotaba pichoq bilan urgan. Ayolining o‘lganini tushungan erkak o‘z joniga qasd qilishga qaror qilgan. Erkak og‘ir ahvolda shahar kasalxonasining reanimatsiya bo‘limiga olib kelingan.
UzNews muxbiriga huquqni muhofaza qilish organlaridagi ishonchli manbalar bergan xabarga ko‘ra, vaqtincha ishsiz bo‘lgan 1974-yilda tug‘ilgan fuqaro chet elga ishlash uchun ketgan, qaytganida esa o‘z ayoliga OIV infeksiyasini yuqtirgan. Shuning natijasida bir necha marotaba oilaviy janjallar bo‘lgan va oqibatda er o‘z ayolini o‘ldirgan.
Ushbu fuqaroga nisbatan O‘zbekiston Respublikasi jinoyat kodeksining 97-moddasi 1-qismi bilan jinoyat ishi qo‘zg‘atilgan. Tergov ishlarini prokuratura olib bormoqda.
Izoh (0)