“Kamolot” yoshlar ijtimoiy harakati qurultoyining 30-iyun kuni bo‘lib o‘tgan yakuniy ish kunida harakat o‘rnida tashkil etilgan yangi tuzilma rahbari saylandi.
“Daryo” manbasining ma’lum qilishicha, shu kungacha O‘zbekiston Prezidentining tashkiliy-kadrlar masalasi bo‘yicha davlat maslahatchisi birinchi o‘rinbosari lavozimida ishlab kelgan Qahramon Quronboyev “Kamolot” o‘rniga tashkil etilgan O‘zbekiston Yoshlar ittifoqi raisi etib saylandi.
Xabar berishlaricha, tashkilot raisligiga Qahramon Quronboyev nomzodi qurultoy ishida qatnashgan O‘zbekiston Prezidenti Shavkat Mirziyoyev tomonidan taklif etilgan.
Ma’lumot uchun, Qahramon Quronboyev bungacha O‘zbekiston Milliy universiteti, O‘zbekiston Milliy teleradiokompaniyasi, Prezident devoni, Vazirlar Mahkamasi, “Kamolot” YoIH va boshqa tashkilotlarda faoliyat yuritgan.
Izoh (0)