30 июнь куни «Камолот» ЁИҲ съезди бўлиб ўтди. Унда Президент Шавкат Мирзиёев иштирок этди, деб хабар беради UzNews.
Съезд давомида Президентнинг шахсан ўзи Навоий вилояти ИИБ ходимини ишдан бўшатди. У «Камолот» ЁИҲнинг Навоий вилояти бўйича раисини ҳақорат қилгани бунга сабаб бўлди.
Энди ҳокимларнинг ва ИИБ бошлиқларининг ўринбосарлари Ўзбекистон ёшлар иттифоқи тавсиясига кўра тайинланадиган бўлди.
Эслатиб ўтамиз, Шавкат Мирзиёев «Камолот» ЁИҲ фаолиятини тўхтатиб, уни Ўзбекистон ёшлар иттифоқига айлантиришга қарор қилди. Янги тузилманинг бюджети икки баробарга катталаштирилди. Янги тузилма раиси этиб Қаҳрамон Қуронбоев сайланди.
Бундан ташқари, съезд чоғида 30 июнь куни Ўзбекистон ёшлари куни деб эълон қилинди.
Изоҳ (0)