Чирчиқда истиқомат қилувчи фуқаро аёлини ўлдириб, ўз жонига қасд қилишга уринди. Бу ҳақда UzNews хабар бермоқда.
Тергов давомида аниқланишича, ҳодиса 25 июнь куни соат эрталабки 6 да содир бўлган. Иккаласининг ўртасида қаттиқ жанжал бўлганлиги сабабли эр аёлини бир неча маротаба пичоқ билан урган. Аёлининг ўлганини тушунган эркак ўз жонига қасд қилишга қарор қилган. Эркак оғир аҳволда шаҳар касалхонасининг реанимация бўлимига олиб келинган.
UzNews мухбирига ҳуқуқни муҳофаза қилиш органларидаги ишончли манбалар берган хабарга кўра, вақтинча ишсиз бўлган 1974 йилда туғилган фуқаро чет элга ишлаш учун кетган, қайтганида эса ўз аёлига ОИВ инфекциясини юқтирган. Шунинг натижасида бир неча маротаба оилавий жанжаллар бўлган ва оқибатда эр ўз аёлини ўлдирган.
Ушбу фуқарога нисбатан Ўзбекистон Республикаси жиноят кодексининг 97-моддаси 1-қисми билан жиноят иши қўзғатилган. Тергов ишларини прокуратура олиб бормоқда.
Изоҳ (0)