Туркия 28 июнь, чоршанба куни Ироқ шимолида Курдистон Ишчи Партиясининг марраларига авиазарбалар берди. Бу ҳақда Milliyet газетасига таяниб, «ТАСС» хабар бермоқда.
Газета маълумотларига кўра, Туркия авиацияси Авашин-Басян туманидаги операция вақтида ташкилотнинг етти аъзосини йўқ қилди. Туркия қуролли кучларининг маълум қилишича, КИП аъзолари ҳарбий объектларга қуролли ҳужум қилишга тайёрланаётган бўлган.
27 июндан 28-санага ўтар кечаси Туркия артиллерияси Сурия шимолидаги Африн ва Азаз шаҳарларида курдларнинг «Ўз-ўзини мудофаа қилиш халқ армияси» тузилмасига жавоб зарбаси берди. Milliyet’нинг қайд этишича, курдлар катта калибрли пулемётлардан турк ҳарбийларини ўққа тутганди.
Изоҳ (0)