Rasmiy Kiyev Vladimir Putinning Qrimga tashrifi munosabati bilan Rossiya Tashqi ishlar vazirligiga norozilik notasini yo‘lladi. Bu haqda “Kommersant” xabar bermoqda.
Xabar berishlaricha, Ukraina Tashqi ishlar vazirligi “navbatdagi marta Ukraina bilan kelishmay, uning vaqtincha bosib olingan hududi — Qrim avtonom respublikasiga 24-iyun kuni Rossiya prezidenti Vladimir Putin boshchiligidagi Rossiya delegatsiyasining tashrifi amalga oshirilgani yuzasidan qat’iy norozilik bildirgan”.
Rasmiy Kiyev mazkur tashrifni Ukraina davlat suvereniteti va hududiy yaxlitligining qo‘pol ravishda buzilishi hamda Rossyai tomonidan xalqaro huquq normalarining poymol etilishi, deb hisoblaydi.
Eslatib o‘tamiz, Rossiya prezidenti Vladimir Putin 24-iyun kuni Qrimda joylashgan “Artek” bolalar oromgohining yettinchi smenasi ochilishida qatnashdi.
Izoh (0)