Расмий Киев Владимир Путиннинг Қримга ташрифи муносабати билан Россия Ташқи ишлар вазирлигига норозилик нотасини йўллади. Бу ҳақда «Коммерсантъ» хабар бермоқда.
Хабар беришларича, Украина Ташқи ишлар вазирлиги «навбатдаги марта Украина билан келишмай, унинг вақтинча босиб олинган ҳудуди — Қрим автоном республикасига 24 июнь куни Россия президенти Владимир Путин бошчилигидаги Россия делегациясининг ташрифи амалга оширилгани юзасидан қатъий норозилик билдирган».
Расмий Киев мазкур ташрифни Украина давлат суверенитети ва ҳудудий яхлитлигининг қўпол равишда бузилиши ҳамда Россяи томонидан халқаро ҳуқуқ нормаларининг поймол этилиши, деб ҳисоблайди.
Эслатиб ўтамиз, Россия президенти Владимир Путин 24 июнь куни Қримда жойлашган «Артек» болалар оромгоҳининг еттинчи сменаси очилишида қатнашди.
Изоҳ (0)