Iroqning Mosul shahrida 19-iyunda yuz bergan portlash oqibatida jarohatlangan telejurnalist Veronika Rober Fransiyada vafot etdi. Bu haqda Meduza xabar berdi.
Rober Fransiyaga 23-iyun, juma kuni kechqurun olib borilgan. Ungacha jurnalist Bag‘dodda operatsiya qilingan.
Rober 19-iyunda yuz bergan portlash oqibatida qurbon bo‘lgan uchunchi jurnalist bo‘ldi. Uning hamkasbi Stefan Vilnyev va kurd jurnalisti Baxtiyor Addad voqea joyida halok bo‘lgan. Yana bir jurnalist Samuel Fore yengil jarohat olgan.
Jurnalistlar France 2 telekanalida efirga uzatiladigan Envoye Special (Maxsus muxbir) dasturi ustida ishlayotgan edi. Mosulda ular IShID jangarilariga qarshi kurashayotgan Iroqning maxsus kuchlari ishini yoritayotgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)