AQSh prezidenti Donald Tramp arab davlatlarini yarashtirish maqsadida sammit chaqirishni rejalashtirmoqda. Bu haqda Fox News manbalariga tayanib, “Gazeta.ru” xabar berdi.
Sammitdan ko‘zlangan maqsad qator davlatlarni Qatar bilan munosabatlarni uzishdan qaytarishga majburlash ekanligi ta’kidlanmoqda.
“40 yil davomida bunaqasi bo‘lmagan. Prezident vaziyatni izga solishni istamoqda”, — dedi telekanalning Oq uydagi manbalari.
Saudiya Arabistoni, BAA, Misr va Bahrayn Kuvayt vakillari orqali Qatarga 13 ta talabdan iborat, jumladan, Eron bilan aloqalarni cheklashga bog‘liq ro‘yxatni yubordi. Qatar, shuningdek, mamlakat hududidagi Turkiya harbiy bazasini yopishi va Al Jazeera telekanali faoliyatini to‘xtatishi kerak. Bundan tashqari, arab mamlakatlari Dohadan tovon puli to‘lashni talab qilmoqda.
Qatar arab davlatlarining sanksiyalarni bekor qilish uchun qo‘ygan talablarini nomaqubul va amalga oshirib bo‘lmas deb atadi.
Izoh (0)