O‘zbekiston Prezidenti Shavkat Mirziyoyev Pokistonning Parachinar, Kvetta va Karachi shaharlarida yuz bergan terakt munosabati bilan Pokiston Islom Respublikasi prezidenti Mamnun Husaynga hamdardlik maktubi yo‘lladi. Bu haqda O‘zbekiston Prezidentining axborot xizmati ma’lum qildi.
Pokiston Islom Respublikasi Prezidenti23-iyun, juma kuni Pokiston shimoli-g‘arbidagi Parachinar shahrining savdo markazida sodir bo‘lgan portlash oqibatida halok bo‘lganlar soni 57 kishiga yetdi, 300 nafarga yaqin odam jarohat oldi. Kvetta shahrining politsiya bo‘limi yaqinida sodir bo‘lgan yana bir portlash oqibatida 13 kishi halok bo‘ldi. Karachidagi restoranda terrorchi to‘rt nafar politsiyachini otib tashladi.Mamnun HusaynJanobi Oliylariga
Janobi Oliylari,
Pokistonning Parachinar, Kvetta va Karachi shaharlarida yuz bergan mudhish terrorchilik xurujlari oqibatida ko‘plab begunoh insonlarning qurbon bo‘lgani va og‘ir jarohat olgani to‘g‘risidagi xabar bizni qattiq qayg‘uga soldi.
Mazkur jirkanch hodisalarning butun islom ummati uchun muqaddas bo‘lgan Ramazon oyida va muborak Iyd-al-Fitr ayyomi arafasida sodir etilgani barchamizni tashvishga soladi va O‘zbekiston bunday yovuz xatti-harakatlarni keskin qoralaydi.
Ushbu musibatli damlarda Siz Janobi Oliylari va birodar Pokiston xalqiga chuqur ta’ziya izhor etib, halok bo‘lganlar hamda jarohat olganlarning oila a’zolari va yaqinlariga samimiy hamdardlik tuyg‘ularimizni yetkazib qo‘yishingizni so‘raymiz.
Qayg‘u ila,
Shavkat Mirziyoyev, O‘zbekiston Respublikasi Prezidenti
Izoh (0)