Ўзбекистон Президенти Шавкат Мирзиёев Покистоннинг Парачинар, Кветта ва Карачи шаҳарларида юз берган теракт муносабати билан Покистон Ислом Республикаси президенти Мамнун Ҳусайнга ҳамдардлик мактуби йўллади. Бу ҳақда Ўзбекистон Президентининг ахборот хизмати маълум қилди.
Покистон Ислом Республикаси Президенти23 июнь, жума куни Покистон шимоли-ғарбидаги Парачинар шаҳрининг савдо марказида содир бўлган портлаш оқибатида ҳалок бўлганлар сони 57 кишига етди, 300 нафарга яқин одам жароҳат олди. Кветта шаҳрининг полиция бўлими яқинида содир бўлган яна бир портлаш оқибатида 13 киши ҳалок бўлди. Карачидаги ресторанда террорчи тўрт нафар полициячини отиб ташлади.Мамнун ҲусайнЖаноби Олийларига
Жаноби Олийлари,
Покистоннинг Парачинар, Кветта ва Карачи шаҳарларида юз берган мудҳиш террорчилик хуружлари оқибатида кўплаб бегуноҳ инсонларнинг қурбон бўлгани ва оғир жароҳат олгани тўғрисидаги хабар бизни қаттиқ қайғуга солди.
Мазкур жирканч ҳодисаларнинг бутун ислом уммати учун муқаддас бўлган Рамазон ойида ва муборак Ийд-ал-Фитр айёми арафасида содир этилгани барчамизни ташвишга солади ва Ўзбекистон бундай ёвуз хатти-ҳаракатларни кескин қоралайди.
Ушбу мусибатли дамларда Сиз Жаноби Олийлари ва биродар Покистон халқига чуқур таъзия изҳор этиб, ҳалок бўлганлар ҳамда жароҳат олганларнинг оила аъзолари ва яқинларига самимий ҳамдардлик туйғуларимизни етказиб қўйишингизни сўраймиз.
Қайғу ила,
Шавкат Мирзиёев, Ўзбекистон Республикаси Президенти
Изоҳ (0)