23-iyunning e’tiborga molik yangiliklari — “Daryo”ning kechki dayjestida.
1. O‘zbekiston rahbariyati Qozog‘istondagi YTHda halok bo‘lgan o‘zbekistonliklarning oila a’zolariga hamdardlik bildirdi. Avvalroq Tashqi ishlar vazirligi qurbon bo‘lgan to‘qqiz o‘zbekistonlikning ismlarini e’lon qilgan edi.
2. O‘zbekiston OTMlari Ramazon Hayiti kunida abituriyentlardan hujjatlar qabul qilmaydi. Chunki Hayit — bayram ham dam olish kuni.
3. O‘zbekistondagi barcha masjidlarda Hayit namozini o‘qish vaqtlari belgilandi. Toshkent shahridagi masjidlarda Hayit namozi 26-iyun, dushanba kuni soat 05:05 da o‘qiladi.
4. Markaziy bank 50 ming va 20 ming so‘mlik banknotlar muomalaga chiqarilishi haqidagi xabarlarni rad etdi. “Bu — ko‘chaning gapi”, — dedi Markaziy bank vakili.
5. “Agrobank” plastik kartalaridan bir oyda 10 mlrd so‘m o‘tkazish imkoniyati paydo bo‘ldi. Ayni vaqtda, bir martalik o‘tkazmalar uchun esa eng yuqori summa 1 000 000 (bir million) so‘mni tashkil qiladi.
Izoh (0)