2018-yilgi Olimpiya o‘yinlarining bir qismiga KXDR o‘z hududida mezbonlik qilishi mumkin. Bunday bayonot bilan Janubiy Koreya sport vaziri To Chjon Xvan chiqish qildi, deb yozadi “Gazeta.ru”.
“Biz KXDRga o‘z hududida Pxyonchxanda bo‘lib o‘tadigan 2018-yilgi Olimpiadaning ba’zi musobaqalarini o‘tkazishni taklif qilmoqchimiz. Umid qilamizki, bu mamlakatlarimiz o‘rtasidagi siyosiy keskinlikni yumshatishga xizmat qiladi. Xususan, tog‘-chang‘i sporti bo‘yicha musobaqalarni KXDRdagi Masikren markazida o‘tkazish mumkin.
Shuningdek, biz xokkey bo‘yicha Janubiy va Shimoliy Koreyaning birlashgan ayollar jamoasini tuzishni taklif qilamiz”, — dedi To Chjon Xvan.
Izoh (0)