Iroq bosh vaziri Haydar al-Abaliy IShID terrorchilik guruhi jangarilari Mosuldagi An-Nuriy jome’ masjidini portlatish orqali o‘z mag‘lubiyatini tan olganini aytdi, deb yozadi “Gazeta.ru”.
“IShID tomonidan An-Nuriy masjidi va Al-Xadba minorasining portlatilishi — ularning mag‘lubiyati haqidagi rasmiy bayonot”, — dedi u.
Avvalroq Mosulda XII asrda qurilgan jome’ masjid yo‘q qilingani xabar berilgan edi. Iroqlik harbiylar ma’lum qilishicha, masjidni IShID jangarilari portlatib yuborgan. Terrorchilar nazorati ostidagi OAVlar, o‘z navbatida, masjidni yo‘q qilishda Amerika aviatsiyasini aybladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)