Portugaliyada 64 kishining halokatiga sababchi bo‘lgan o‘rmon yong‘ini to‘xtatildi

Portugaliya markaziy qismidagi yirik o‘rmon yong‘inini to‘xtatishga muvaffaq bo‘lishdi, deb yozadi “TASS” fuqarolik mudofaasi xodimlariga tayanib.

Leyriya okrugidagi Pedrogan-Grandi aholi punkti hududida yong‘in 17-iyun kuni boshlandi. O‘shandan buyon yuzlab o‘t o‘chiruvchilar yong‘inga qarshi kurashga jalb etildi. 64 kishi halok bo‘lgan va yana 204 kishi jarohatlangan yong‘inni o‘chirish jarayonini kuchli shamol va yuqori haroratli havo qiyinlashtirdi.

Pedrogan-Grandida yong‘in natijasida 30 ming gektarga yaqin o‘rmon yonib ketdi. Ayni paytda Portugaliya markaziy qismidagi boshqa okruglarda ham tabiiy ofatga qarshi kurash olib borilmoqda.

Yong‘inning kelib chiqishi haqida bir necha xil versiyalar aytilmoqda. Mahalliy politsiya xodimlari u daraxtni yashin urishi natijasida boshlangan desa, o‘t o‘chiruvchilar ligasi rahbari u ataylab uyushtirilgan degan fikrda.