Mosulda XII asrga tegishli jome’ masjid vayron qilindi. 2014-yilda IShID yetakchisi o‘sha masjidda xalifalik tuzilganini e’lon qilgan edi

2016-yil oktabridan buyon IShID jangarilari va xalqaro aksilterrorchilik koalitsiyasi o‘rtasida janglar borayotgan Mosulda XII asrda qurilgan jome’ masjid yo‘q qilindi, deb yozadi Meduza.

Iroqlik harbiylar ma’lum qilishicha, masjidni IShID jangarilari portlatib yuborgan. Ularning so‘zlariga ko‘ra, uning “tarixiy og‘ma minora”si ham vayron qilingan.

Terrorchilar nazorati ostidagi OAVlar, o‘z navbatida, masjidni yo‘q qilishda Amerika aviatsiyasini aybladi.

21-iyun kuni ertalab iroqlik harbiylar masjid yonida janglar borayotganini xabar qilgan.

Internetda aerofotosyomkani e’lon qilishdi, unda masjid atrofidagi hududning portlashdan keyingi holati aks etgan bo‘lishi mumkin. Suratda minora turgan joy ko‘rinmaydi.

#ISIS is doing Explotion in the Nuri Mosque and the minaret of Hadba in #Mosul city .#EHS #جامع_النوري pic.twitter.com/ltNCiJJOqW

— ᎯᎻᎷᎬᎠ ᎯᏞᏰᎯᎻᎡᎯᏁᎥ (@98bahrani) June 21, 2017

2014-yilda Mosul IShID jangarilari tomonidan egallab olingach, terrorchilar yetakchisi Abu Bakr al-Bag‘dodiy ushbu masjidda egallab olingan hududlarni xalifalik, o‘zini esa xalifa deb e’lon qilgan edi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.