Andijon shahridagi Mustaqillik shoh ko‘chasida 15 ta ko‘p qavatli uy barpo etilmoqda. Bu haqda Andijon viloyati hokimligi matbuot xizmati xodimi Muhammadsaid Fozilbekov “Daryo”ga ma’lum qildi.
Ko‘chadagi birinchi — “Barkamol qurilish sanoati” kompaniyasi tomonidan qurilayotgan, 3 ta blokdan iborat uyning beshinchi qavati g‘ishti urilmoqda. “Andijon ziyo nur” kompaniyasi qurayotgan ikkinchi ko‘p qavatli uyda esa 64 nafar xodim mehnat qilmoqda, ayni damda bu yerda tomni yopishga hozirlik ko‘rilmoqda.
“Akfa” derazalari o‘rnatilib, suv, gaz, elektr energiyasi va oqova tizimlari montaj qilinmoqda. 45 xonadonli mazkur uyning umumiy loyiha qiymati 10,3 milliard so‘m.
Xabar berishlaricha, shoh ko‘chada barpo etilayotgan barcha uylarning birinchi qavatida savdo va xizmat ko‘rsatish shoxobchalari tashkil qilinadi. Old qismida gulzor va yashil maydonlar yaratilib, manzarali daraxtlar ekiladi.
Orqa tomonda esa har bir uy uchun alohida yuqori quvvatli elektrotransformator o‘rnatiladi. Shuningdek, bolalar maydonchalari, qozonxona va avtoturargohlar bunyod etiladi.
Mustaqillik shoh ko‘chasidagi qurilish ishlarida “Madad invest”, “Ilg‘or bunyodkor shijoati”, “Sapfir-2012” va boshqa kompaniyalarning quruvchilari ham mehnat qilmoqda.
Izoh (0)