2017-yilning 17-iyun kuni Portugaliya poytaxti Lissabonning shimoli-sharqidagi Pedrogan-Grandi aholi punktida ulkan o‘rmon yong‘ini sodir bo‘ldi. Xabar berilishicha, 57 kishi halok bo‘lgan. Ularning ko‘pchiligi xavfsiz hududlarga o‘tayotganida avtomobil yo‘lida olov changaliga tushib qolgan.
“TASS” agentligi so‘nggi 20 yil ichida dunyo bo‘ylab sodir bo‘lgan ulkan o‘rmon yong‘inlari haqida ma’lumot to‘plab taqdim etdi.
1997-yilning avgustida 1998-yilning martiga qadar Indoneziyada, xususan, Sumatra va Kalimantan orollarida kuchli o‘rmon yong‘inlari sodir bo‘lgan. Uning paydo bo‘lishiga Janubi-Sharqiy Osiyoda yerni yangitdan haydash uchun qishloq xo‘jaligi mahsulotlarining yondirib yuborilishi sabab bo‘lgan. Olov 2 million gektar maydonga tarqalgan bo‘lib, sentabr oxirida yong‘in milliy ofat deya e’lon qilingan. Yong‘in changi Indoneziyani, shuningdek, Malayziya, Singapur, Bruney, qisman Tailand, Filippin va Vyetnamga qadar tarqalgan. Ofat zonasida 70 milliondan ortiq odam bo‘lgan. O‘pka va nafas olish tizimining buzilishi, astma, bug‘ilishdan 240 ga yaqin indoneziyalik halok bo‘lgan, o‘n minglab odamlar changda jabr chekkan. Ko‘rish qobiliyatining pastligi sabab havo, dengiz va daryo transportida sodir bo‘lgan avariyalar oqibatida 300 odam halok bo‘lgan.
2007-yilning iyun—sentabr oylarida Gretsiyaning turli tumanlarida havo harorati +40 daraja Selsiydan oshgani sabab yong‘in o‘rmonning 270 ming gektardan ortiq hududini yo‘q qilgan. Eng jiddiy vaziyat 23—27-avgustda, olov nazoratdan chiqib ketib Olimp tog‘i hududidagi barcha o‘rmonni yo‘q qilishga qodir kuchga aylanganida sodir bo‘lgan. Ofat oqibati 84 kishi halok bo‘lgan. Yong‘inni o‘chirish uchun Yevropa Ittifoqining ko‘plab mamlakatlari ishtirok etgan.
2009-yilning fevral—mart oyida Avstraliyada (Viktoriya shtati) mamlakatning butun tarixi davomidagi eng kata o‘rmon yong‘inlari sodir bo‘lgan. Yong‘in 450 ming gektar o‘rmonning yo‘q bo‘lib ketishiga va umumiy miqdorda 173 nafar odamning halok bo‘lishiga sababchi bo‘lgan. Yong‘in kuchli qurg‘oqchilik va +45 daraja Selsiy issiqlik oqibatida sodir bo‘lgan. Shu bilan birga yong‘in elektr ta’minoti tarmog‘idagi avariya oqibatida ham paydo bo‘lgan. 7-fevral kuni olov Merisvil shahrini butunlay yo‘q qildi (u yerda 45 kishi halok bo‘lgan). Olov 4—6-mart sanasida yog‘gan yog‘ingarchilik va sovuq oqibatida o‘chirishga muvaffaq bo‘lingan.
2010-yilning 2-dekabrida Isroildagi Karmel tog‘i yaqinida kuchli qurg‘oqchilik oqibatida o‘rmon yong‘ini paydo bo‘lgan. 250 ta kottej, 5 ming gektar qo‘riqxona hududidagi 5 millionga yaqin daraxtlar yonib ketgan. 44 nafar odam halok bo‘lgan, ularning 39 nafari avtobusda ketayotib olov iskanchasiga tushgan Isroil qamoqxonlari boshqarmasining kursantlari bo‘lgan. Olovni o‘chirish uchun turli mamlakatlarning 40 dan ortiq havo kemalari jalb qilingan. Ommaviy ravishda aviatsiyaning qo‘llanilishi 6-dekabrda vaziyatni o‘nglanilishiga va olov o‘chirilishiga erishildi.
1871-yilning 8-oktabrida AQShda uzoq vaqt davom etgan qurg‘oqchilik va kuchli shamol oqibatida olovning tarqalishiga olib kelgan. Olov Peshtigo shahrini va bir nechta qishloqlarni butunlay yo‘q qilib yuborgan. Yong‘in 500 ming gektar o‘rmonni kulga aylantirgan. Yong‘in shunchalik katta bo‘lganiga qaramay o‘z davrining insonlari bu haqida deyarli bilmagan, sababi aynan o‘sha kunda boshqa bir kuchli yong‘in Chikagoni (Illinoys shahri) yo‘q qilgan.
Izoh (0)