2017 йилнинг 17 июнь куни Португалия пойтахти Лиссабоннинг шимоли-шарқидаги Педроган-Гранди аҳоли пунктида улкан ўрмон ёнғини содир бўлди. Хабар берилишича, 57 киши ҳалок бўлган. Уларнинг кўпчилиги хавфсиз ҳудудларга ўтаётганида автомобиль йўлида олов чангалига тушиб қолган.
«ТАСС» агентлиги сўнгги 20 йил ичида дунё бўйлаб содир бўлган улкан ўрмон ёнғинлари ҳақида маълумот тўплаб тақдим этди.
1997 йилнинг августида 1998 йилнинг мартига қадар Индонезияда, хусусан, Суматра ва Калимантан оролларида кучли ўрмон ёнғинлари содир бўлган. Унинг пайдо бўлишига Жануби-Шарқий Осиёда ерни янгитдан ҳайдаш учун қишлоқ хўжалиги маҳсулотларининг ёндириб юборилиши сабаб бўлган. Олов 2 миллион гектар майдонга тарқалган бўлиб, сентябрь охирида ёнғин миллий офат дея эълон қилинган. Ёнғин чанги Индонезияни, шунингдек, Малайзия, Сингапур, Бруней, қисман Таиланд, Филиппин ва Вьетнамга қадар тарқалган. Офат зонасида 70 миллиондан ортиқ одам бўлган. Ўпка ва нафас олиш тизимининг бузилиши, астма, буғилишдан 240 га яқин индонезиялик ҳалок бўлган, ўн минглаб одамлар чангда жабр чеккан. Кўриш қобилиятининг пастлиги сабаб ҳаво, денгиз ва дарё транспортида содир бўлган авариялар оқибатида 300 одам ҳалок бўлган.
2007 йилнинг июнь—сентябрь ойларида Грециянинг турли туманларида ҳаво ҳарорати +40 даража Цельсийдан ошгани сабаб ёнғин ўрмоннинг 270 минг гектардан ортиқ ҳудудини йўқ қилган. Энг жиддий вазият 23—27 августда, олов назоратдан чиқиб кетиб Олимп тоғи ҳудудидаги барча ўрмонни йўқ қилишга қодир кучга айланганида содир бўлган. Офат оқибати 84 киши ҳалок бўлган. Ёнғинни ўчириш учун Европа Иттифоқининг кўплаб мамлакатлари иштирок этган.
2009 йилнинг февраль—март ойида Австралияда (Виктория штати) мамлакатнинг бутун тарихи давомидаги энг ката ўрмон ёнғинлари содир бўлган. Ёнғин 450 минг гектар ўрмоннинг йўқ бўлиб кетишига ва умумий миқдорда 173 нафар одамнинг ҳалок бўлишига сабабчи бўлган. Ёнғин кучли қурғоқчилик ва +45 даража Цельсий иссиқлик оқибатида содир бўлган. Шу билан бирга ёнғин электр таъминоти тармоғидаги авария оқибатида ҳам пайдо бўлган. 7 февраль куни олов Мерисвил шаҳрини бутунлай йўқ қилди (у ерда 45 киши ҳалок бўлган). Олов 4—6 март санасида ёғган ёғингарчилик ва совуқ оқибатида ўчиришга муваффақ бўлинган.
2010 йилнинг 2 декабрида Исроилдаги Кармел тоғи яқинида кучли қурғоқчилик оқибатида ўрмон ёнғини пайдо бўлган. 250 та коттеж, 5 минг гектар қўриқхона ҳудудидаги 5 миллионга яқин дарахтлар ёниб кетган. 44 нафар одам ҳалок бўлган, уларнинг 39 нафари автобусда кетаётиб олов исканчасига тушган Исроил қамоқхонлари бошқармасининг курсантлари бўлган. Оловни ўчириш учун турли мамлакатларнинг 40 дан ортиқ ҳаво кемалари жалб қилинган. Оммавий равишда авиациянинг қўлланилиши 6 декабрда вазиятни ўнгланилишига ва олов ўчирилишига эришилди.
1871 йилнинг 8 октябрида АҚШда узоқ вақт давом этган қурғоқчилик ва кучли шамол оқибатида оловнинг тарқалишига олиб келган. Олов Пештиго шаҳрини ва бир нечта қишлоқларни бутунлай йўқ қилиб юборган. Ёнғин 500 минг гектар ўрмонни кулга айлантирган. Ёнғин шунчалик катта бўлганига қарамай ўз даврининг инсонлари бу ҳақида деярли билмаган, сабаби айнан ўша кунда бошқа бир кучли ёнғин Чикагони (Иллинойс шаҳри) йўқ қилган.
Изоҳ (0)